ಹುಬ್ಬಳ್ಳಿ ಧಾರವಾಡ ನಗರ ಕಮಿಷನರೇಟ್ ವ್ಯಾಪ್ತಿಯಲ್ಲಿನ ಎಲ್ಲ ಪೊಲೀಸ್ ಠಾಣೆಗಳಲ್ಲಿ ಕಳೆದ 10 ವರ್ಷಗಳಿಂದ ದಾಖಲಾದ ಎನ್.ಡಿ.ಪಿ.ಎಸ್ ಪ್ರಕರಣಗಳಲ್ಲಿನ ಒಟ್ಟು 175 ಆರೋಪಿಗಳ ಪರೇಡ್ ಅನ್ನು ನಗರದ ಸಿ.ಎ.ಆರ್ ಮೈದಾನದಲ್ಲಿ ಇಂದು ನಡೆಸಲಾಯಿತು. ಈ ಎಲ್ಲ ಆರೋಪಿಗಳಿಗೆ ‘ಯಾವುದೇ ರೀತಿಯ ಮಾದಕ ವಸ್ತುಗಳ ಮಾರಾಟದಲ್ಲಿ ತೊಡಗದಂತೆ ಸೂಕ್ತ ಎಚ್ಚರಿಕೆಯನ್ನು ನೀಡಿದ್ದು, ಒಂದು ವೇಳೆ ಅಂತಹ ಕೃತ್ಯಗಳಲ್ಲಿ ತೊಡಗಿದರೆ ಕಾನೂನು ರೀತ್ಯಾ ಕಠಿಣ ಕ್ರಮ ತೆಗೆದುಕೊಳ್ಳುವ ಎಚ್ಚರಿಕೆಯನ್ನು‘ ನೀಡಲಾಯಿತು.
ಈ ಎಲ್ಲ ಆರೋಪಿಗಳ ಚಟುವಟಿಕೆಗಳ ಮೇಲೆ ಸತತ ನಿಗಾ ಇಡಲಾಗುವುದು. ಮಾನ್ಯ ಪೊಲೀಸ್ ಆಯುಕ್ತರಾದ N. ಶಶಿಕುಮಾರ್, IPS ರವರ ಮಾರ್ಗದರ್ಶನದಲ್ಲಿ DCP (L&O), DCP (C&T) ರವರು ಹಾಗೂ ಹು–ಧಾ ಪೊಲೀಸ್ ಘಟಕದ ಎಲ್ಲಾ ACP ಮತ್ತು PI ರವರುಗಳು ಈ ಕಾರ್ಯಾಚರಣೆಯಲ್ಲಿ ಭಾಗಿಯಾಗಿದ್ದರು